👩‍⚕️  သားအိမ်ခေါင်းကင်ဆာဟာ  ဖွံ့ဖြိုးဆဲနိုင်ငံတွေမှာ သေဆုံးနှုန်းအမြင့်ဆုံးကင်ဆာများထဲမှ တစ်ခုလည်းဖြစ်ပါတယ်။ မြန်မာနိုင်ငံရှိ အမျိုးသမီးများမှာ ဖြစ်တဲ့ ကင်ဆာထဲမှာ ဒုတိယ အဖြစ်အများဆုံးနဲ့ ဒုတိယ သေဆုံးမှုအများဆုံးကင်ဆာဖြစ်တယ်လို့လည်း သိရပါတယ်။  အဖြစ်အများဆုံး အသက်အရွယ်ကလည်း အသက်လတ်ပိုင်းဖြစ်တဲ့ ၃၅ မှ ၅၅ နှစ်အတွင်း အမျိုးသမီးတွေ ဖြစ်ပါတယ်။ အကြောင်းရင်းက ကင်ဆာဖြစ်တဲ့အတိုင်း ဖြစ်မှန်းသိချိန်မှာ နောက်ကျပြီး နောက်ဆုံးအဆင့်တွေ ဖြစ်ခြင်းသို့မဟုတ် ကင်ဆာအဆင့်တွေ မြင့်မှ စစ်ဆေးသိရှိမိခြင်းပါ။ ဒါကြောင့် ကြောက်စရာကောင်းတဲ့ ဒီရောဂါရဲ့ လက္ခဏာတွေကို သိထားသင့်ပြီး ကြိုတင်ကာကွယ်လို့ရမယ့်နည်းလမ်းတွေကို သိထားဖို့လိုအပ်ပါတယ်။

 

👩‍⚕️ သားအိမ်ခေါင်းကင်ဆာဟာ အခြားကင်ဆာများနှင့်မတူဘဲ၊ ကာကွယ်၍ရသော ကင်ဆာပင်ဖြစ်ပါတယ်။ သားအိမ်ခေါင်းကင်ဆားအားကြိုတင်ကာကွယ်နိုင်ရန်အတွက် သားအိမ်ခေါင်းကင်HPV ကာကွယ်ဆေးအား HPV ကြွက်နို့ပိုးများနှင့် စတင်ထိတွေ့ခြင်းမရှိမီထိုးနှံပေးရန်လိုအပ်ပါတယ်။ ဒါမှသာ ရောဂါပိုးကူးစက်ခံရခြင်းမှ ထိရောက်စွာကာကွယ်နိုင်မည်ဖြစ်ပြီး သတ်မှတ်ထားသောအရွယ်တွင် လွှမ်းခြုံမှုနှုန်းအမြင့်မားဆုံးထိုးနှံနိုင်ရန်လည်းအရေးကြီးပါတယ်။

 

💉  သားအိမ်ခေါင်းကင်ဆာ ကာကွယ်ဆေးဘယ်သူတွေ ထိုးနှံသင့်လဲ?

အသက် ၁၁ နှစ်မှ ၁၂ နှစ်ကြား HPV ကာကွယ်ဆေးထိုးရန် အကြံပြုထားသည်။ HPV ကာကွယ်ဆေးကို အသက် ၉ နှစ်မှ စတင်၍ ထိုးနိုင်ပါသည်။ ဆယ်ကျော်သက်များအားလုံး HPV ကာကွယ်ဆေးထိုးရန် လိုအပ်သောပါတယ်။ ဒါမှသာ အသက်နှောင်းပိုင်းမှာ သားအိမ်ခေါင်းကင်မဖြစ်အောာင် ကာကွယ်နိုင်မှာဖြစ်ပါတယ်။

 

သားအိမ်ခေါင်းကင်ဆာကာကွယ်လုံးဝမထိုးနှံရသေးသော ဆယ်ကျော်သက်များနှင့် အသက် 26 နှစ်အထိ လူငယ်များသည်လည်း သားအိမ်ခေါင်းကင်ဆာ ကာကွယ်ဆေးထိုးရန် လိုအပ်ပါသည်။

 

👩‍⚕️ ကာကွယ်ဆေးကို ဘယ်နှကြိမ်ထိုးရမလဲ?

💉  အသက် (၉) နှစ် မှ (၁၄) နှစ်အတွင်းဆိုပါက စုစုပေါင်း နှစ်ကြိမ်ထိုးရန်လိုအပ်ပြီး

💉  (၁၅) နှစ် မှ (၂၆) နှစ်အတွင်းဆိုပါက စုစုပေါင်း သုံးကြိမ် ထိုးရန်လိုအပ်ပါတယ်။

 

👩‍⚕️ HPV ကာကွယ်ဆေးထိုးတဲ့အခါတွင် အဆင့် (၃) ဆင့်ရှိပါတယ်။

 

💉  ပထမအကြိမ်

💉  ဒုတိယအကြိမ် (ပထမဆေးထိုးပြီး ၁လ သို့မဟုတ် ၂လအကြာ)

💉  တတိယအကြိမ် (ပထမဆေးထိုးပြီး ၆ လအကြာ)

 

💕  အားလုံးပဲကျန်းမာပျော်ရွှင်သော မိသားစုဘဝများ ပိုင်ဆိုင်နိုင်ကြပါစေ။

 

#SwanHtetPrimaryCare #PublicHealth #Immunization

#cervicalcancer #HPVvaccine # GARDASIL #